PATAY ang isang school principal nang mahulog mula sa bubong ng pinapasukang paaralan sa Moises Padilla, Negros Occidental.

Kinilala ni DepEd Negros Occidental Schools Division Spokesperson Arnold Arnaez ang biktima na si Reynaldo Mojares, principal 1 ng Guipana-an Elementary School.

Kasama si Mojares sa mga guro na nag-Brigada Eskwela noong ika-28 Hulyo upang mapaghandaan ang maayos na pagsalubong sa pagbubukas ng klase.

Inakyat umano ni Mojares ang gusali upang walisin ang mga dahon sa bubong subalit nadulas ito at nahulog.

Batay sa sumuri sa principal, nabagok ang ulo ng biktima kaya ito nasawi.