DINISPATSA ng Ateneo de Manila University Blue Eagles ang National University Bulldogs, 69-65, upang palakasin ang kanilang kampanya para sa Final Four sa UAAP Season 89 men’s basketball tournament kahapon sa Smart Araneta Coliseum.

Nanguna sa opensa ng Ateneo sina rookie forward Kieffer Alas at Jared Bahay, na nagtala ng 18 at 16 puntos, ayon sa pagkakasunod.

Bumangon ang Blue Eagles sa huling quarter upang agawin ang panalo, sa likod ng mga baskets nina Alas at Bahay.

Nakuha ng Ateneo ang 24-19 bentahe sa first quarter bago bumawi ang NU sa second, 22-18, upang idikit ang iskor sa halftime.

Nakuha naman ng Bulldogs ang kalamangan sa third quarter, ngunit hindi nila napigilan ang pagratsada ng Blue Eagles sa huling 10 minuto.

Sa kabila ng pagsisikap nina Mo Diassana at Reinhard Jumamoy, na kumamada ng 17 at 16 puntos para sa NU, hindi naisalba ng Bulldogs ang laro at bumagsak sa 6-3 kartada.

Sa ikalawang laro, tinuldukan ng Far Eastern University Tamaraws (5-4) ang kanilang three-game losing skid sa 73-66 pagtakas sa Adamson University Falcons (4-5). Bumida para sa Tamaraws si Kirby Mongcopa na may 13 puntos.