BALAK ng Department of Education na pahabain ang academic calendar para sa school year 2020-2021.

Sa isang television interview, sinabi ni DepEd Undersecretary Diosdado San Antonio na bagama’t wala pang eksaktong petsa kung hanggang kailan tatagal ang school year, tinitingnan na ng kagawaran na ma-extend ang school year.

“Wala pang definite number of weeks na extension pero isa ‘yan sa tinitingnan namin,” sabi ni Antonio.

Dagdag pa niya, ito ay para mabigyan ng pagkakataon ang mg estudyante na makapagpasa ng kanilang academic requirements.

“Para ang lahat ng mag-aaral, lalo na iyong medyo nagkakaroon ng challenges, ay mabigyan ng pagkakataon na maisumite ang mga kailangang gawin,” ayon pa kay San Antonio.

Nakatakda sanang matapos ang school year 2020-2021 sa Hunyo 11.