AWTOMATIKONG tatanggapin  ng pamahalaang lungsod ng Navotas ang 48 technical and vocational graduates mula sa Navotas Vocational Training and Assessment Institute.

Bukod pa rito ang 21 na nakapagtapos at nakatanggap ng national certification  II for Barista, pito sa Housekeeping, at 35 sa Basic Visual Gra­phic Design.

Matatandaang may apat na training centers ang Navotas na nakalaan para sa mga Navoteño at hindi Navoteño trainees.

May mga kurso sa Automotive Servicing NC I, Electrical Installation and Maintenance NC II, Shielded Metal Arc Welding NC I, at Shielded Metal Arc Welding NC II ang Navotaas Institute Main.

Bukod pa rito ang Beauty Care NC II, Bread and Pastry Production NC II, Dressmaking NC II, Hairdressing NC II, at Tailoring NC II, at training center ng Japanese Language and Culture II, Korean Language and Culture I (Basic Level), at Korean Language and Culture II (Intermediate Level).

Ang NAVOTAAS Institute ay naglaan ng allowances at tool kits sa mga trainee sa ilalim ng Training for Work Scho­larship Program (TWSP) at Special Training for Employment Program na pinondohan ng national government.