MULING nanguna sa pinakahuling election survey ng Octa Research Group si Davao City Mayor Sara Duterte-Carpio at ang ama nitong si Pangulong Rodrigo Duterte para sa pagka-presidente at bise presidente sa 2022 elections.

Isinagawa ang survey sa 1,200 respondents sa buong bansa mula September 11 hanggang 16, 2021.

Sa presidential survey, nakakuha si Duterte-Carpio ng 27.9 percent, na sinundan ni dating Senador Ferdinand ‘Bongbong’ Marcos Jr. na may 18.5 percent.

Pumangatlo si Manila Mayor Francisco ‘Isko Moreno’ Domagoso na may 14.6 percent; kasunod nina Senador Emmanuel Pacquiao, 9.7 percent; Senador Grace Poe, 6.5 percent; Vice President Leni Robredo, 6 percent; Senador Panfilo Lacson, 4.1 percent; Cong. Alan Peter Cayetano, 3.8 percent; dating Vice President Jejomar Binay, 2.4 percent; at Senador Christopher Go, 2.2 percent.

Sa vice presidential survey, nakakuha si Pangulong Duterte ng pinakamataas na rating na 24.3 percent, na sinundan nina Senate President Vicente ‘Tito’ Sotto III, 15.6 percent; Marcos, 11.3 percent; Poe, 9 percent; at Domagoso, 9 percent.

Pasok naman sa Top 12 para sa senatorial survey sina broadcaster Raffy Tulfo, Sorsogon Gov. Francis Escudero, Cong. Cayetano, Senate Majority Leader Juan Miguel Zubiri, Rep. Loren Legarda, at DPWH Secretary Mark Villar.

Kasama rin sina Marcos, Pacquiao, Binay, dating Senador Jinggoy Estrada, broadcaster Noli de Castro, dating Senador JV Ejercito, Paolo Duterte at Bam Aquino.