ISANG eskuwelahan sa Bangued, Abra na gagamiting voting center ang nasunog kahapon ng madaling araw.

Batay sa inisyal na ulat mula sa Commission on Elections, nilamon ng apoy ang Dangdangla Elementary School na matatagpuan sa naturang bayan.

Gayunman, nilinaw  ng Comelec na hindi nila ililipat ang  venue ng botohan kahit na nasunog ang eskuwelahan.

Gagawa anila sila ng isang makeshift polling place  sa  eskwelahan para matuloy ang botohan.

Nilinaw rin ng Comelec na hindi pa naide-deliver ang  automated counting machines sa lugar  kaya pansamantalang kanselado ang final testing at sealing sa lugar.

Sa ngayon, wala pang inilalabas na opisyal na resulta ng imbestigasyon mula sa Bureau of Fire Protection (BFP)-Abra kaugnay sa pinagmulan ng sunog.