Region

HS STUDENT SAPOL NG STRAY BULLET

/ 2 April 2025

PATAY ang isang babaeng high school student sa isang Islamic school nang tamaan ng ligaw na bala habang nasa isang open field na pagtitipon ng mga kapatid na Muslim sa Buluan, Maguindanao del Sur.

Kinilala ang biktima na si alyas Fath na hindi na umabot nang buhay sa pagamutan kung saan siya isinugod ng mga kamag-anak at barangay officials upang malapatan sana ng lunas.

Ang menor de edad na biktima ay estudyante ng isang Islamic school sa Buluan, ayon sa inisyal na ulat ng lokal na pulisya.

Nakaugalian na ng mga kababayang Muslim na may putukan ng baril sa tuwing matatapos ang isang buwan nilang aktibidad sa bawat taon, subalit hindi pa matiyak ng otoridad kung saan at kanino galing ang bala ng baril na tumama kay Maguid, na naging dahilan ng kanyang pagkamatay.