HINDI isasagawa ng University of the Philippines ang College Admission Test nito para sa Academic Year 2022-2023.

Ito na ang ikalawang sunod na taon na sinuspinde ng unibersidad ang UPCAT para sa first-year student sa gitna ng Covid19 pandemic

Sa Memorandum No. OVPAA 2021-158 na inilabas ng UP Office of the Vice President for Academic Affairs noong Nobyembre 18, 2021, tinukoy ang malaking logistical challenge na kakaharapin sa desisyon nitong suspendihin ang UPCAT.

“Immense logistical challenge of administering UPCAT in the UP campuses and 95 testing centers throughout the archipelago while the trajectory of the pandemic remains uncertain,” ayon sa pahayag ng UP.

Sinabi ng unibersidad na inilabas ang desisyon matapos na sang-ayunan ito ng University Councils.

Ang University Councils ang pinakamataas na policy-making body ng UP constituent university kung saan binubuo ito ng Chancellor, professors, associate professors, at assistant professors ng bawat CU.

“In light of this decision, the Admissions Scoring Model, which the Office of Admissions’ data scientists developed and refined by ‘a working group of experts designated by their respective CUs’ and that ‘the University Councils overwhelmingly approved in 2020, will continue to be used with some fine-tuning in the preprocessing and transmutation of grades that enter the model,” nakasaad pa sa memo.

Para sa AY 2022-2023, gagamitin ang modelo ng admission na ginamit ng UP Office of Admissions para sa first-year student intake noong AY 2021-2022.