SINUSPINDE ng ilang local government units sa Metro Manila ang klase kahapon, March 3, upang iiwas aa kapahamakan ang mga mag-aaral, guro at school workers bunsod ng matinding init ng panahon.

Kasunod ito ng pagtaya ng Philippine Atmospheric, Geophysical and Astronomical Services Administration (PAGASA) na makapagtatala ng mataas na heat index o damang init sa ilang lugar sa Luzon.

Sa pagtaya ng PAGASA, papalo sa 46° ang heat index na nasa danger category at nangangahulugang magdudulot ng panganib sa kalusugan.

Kabilang sa nagsuspinde ng face-to-face classes ang Caloocan City sa public schools — kinder hanggang senior high school (asynchronous learning); Malabon City, public at private schools (modular distance learning); Valenzuela City – preschool hanggang senior high school (online synchronous o asynchronous learning).

Las Piñas City, all levels, public at private schools; La Salle Greenhills, preschool hanggang Grade 3 (asynchronous classes), Grade 4 hanggang 12 (synchronous classes; at Parañaque City, all levels, public at private schools (online classes o asynchronous classes).