Bulletin Board

MICROSOFT, DEPED ALS NAGPAPAANYAYA PARA SA DIGITAL RESILIENCY WEBINAR

/ 23 January 2021

Iniimbitahan ng Microsoft Philippines at Department of Education – Alternative Learning System ang mga interesadong ALS learner na lumahok sa gaganaping webinar sa Enero 28, 9:00-12:00 n.t.

Ang webinar ay pinamagatang ‘Asenso Pilipinas: Building Digital Resilience’ na may sentrong layuning maisulong ang gawaing dihital sa mga lokal at pambansang pamahalaan tungo sa mas mataas na kalidad ng edukasyon gamit at teknolohiya sa pagtuturo at pagkatuto.

Ihahanda ng Asenso Pilipinas ang mga mag-aaral sa digital transformation at employability sa pamamagitan ng mga talakayang tungkol sa paghahanda sa job interview, pagsusulat ng resume, at pagkakaroon ng mga kasanayan at kakayahan na hanap ng mga employer sa kasalukuyang panahon.

“Microsoft’s mission [is] to empower every student on the planet to achieve more, is a commitment to do more to support students, and educators in their journey to digital transformation through the innovative use of technology for teaching and learning,” saad sa website.

“Through this summit, attendees will be empowered to gain insights and get access to the right tools, experiences, and learning opportunities to build the skills necessary to fuel the future,” dagdag pa.

Imbitadong tagapagsalita sina Microsoft Philippines Education Program Lead Clarissa Segismundo, Philippines LinkedIn Talent, Learning & glint Enterprise Sales Lead Beatriz Naguiat, Microsoft APAC HR Consulting Manager Earl Ganuelas, DITO CME Chief Operating Officer Donalid Lim, Grab Philippines Country Marketing Head RJ Cabaluna, at Microsoft APAC Customer Engineer Jasper Jed Gueco.

Kasama rin sina LinkedIn Channel Partnerships Lead Chi Ming Loh, Western Digital Country HR Director Gil Paolo de Guzman, Pino Group of Concepts Entrepreneur PJ Lanot, Line Learning and Development Solutions Vice President for Operations Eufer Pasion, at Audentes Technologies Co-founder and General Manager Francis Hernandez.

Libre ang webinar hindi lamang para sa ALS learners, kundi sa lahat ng interesadong magkaroon ng dagdag kaalaman at kasanayan.

Magparehistro lamang sa link na ito bago ang Enero 28: https://aka.ms/AsensoPilipinasStudents. Ipadadala sa iyo ang link na maaaring puntahan sa mismong araw ng webinar.