UMAPELA si Bagong Henerasyon party-list  Rep. Bernadette Herrera sa national at local government na huwag payagang tuluyang hindi makapag-enroll ang nasa anim hanggang pitong milyon pang estudyante sa elementary at secondary level.

Sinabi ni Herrera na hindi dapat hayaang madagdagan pa ang bilang ng mga out of school youth sa gitna ng paglaban sa Covid 19 pandemic.

“The ongoing global pandemic poses a challenge, but the journey of learning must go on and the DepEd must strive harder to truly ensure that no Filipino learner will be left behind in terms of education amid Covid19,” pahayag ni Herrera.

Binigyang-diin ng lady solon na ang naturang bilang ay doble ng naitalang 3.6 milyong dropout noong 2017 base sa tala ng Philippine Statistics Authority.

“Even before Covid19, millions of Filipino children and youth were out of school. The suspension of classes in mid-March as a precautionary measure against Covid19 has created further uncertainty for millions more children and youth in the Philippines,” idinagdag pa ng mambabatas.

Iginiit ng kongresista na nauunawaan niya ang pagbagsak ng enrollment subalit dapat na doblehin ng Department of Education ang kanilang pagsisikap upang matiyak na makakapag-enroll ang lahat ng estudyante.

“The LGUs play an important role in getting students enrolled. I encourage the LGUs, particularly barangays, to put up tarpaulins about the enrollment and if possible, to go house-to-house to distribute the enrollment forms,” sabi pa ni Herrera kasabay ng panawagan sa National Telecommunications Commission na magpalabas ng impormasyon na tumatanggap pa ng enrollees hanggang Setyembre.