NAGBIGAY ng karangalan sa bansa ang isang 14-anyos na Grade 8 student mula Iloilo.

Si Gihun Ng Yoo ay nagwagi sa Asian Science and Mathematics Olympiad for Primary and Secondary Schools o ASMOPSS 12 sa Bali, Indonesia.

Isa si Yoo sa 14 miyembro ng Philippine Team na lumahok sa kompetisyon sa Indonesia.

Nakalaban ni Gihun ang mga estudyante mula sa Vietnam, Thailand, Tajikistan, at Indonesia.

Nakipagtagisan si Gihun sa Primary Math para sa Theoretical round sa Individual Event kung saan nakuha niya ang bronze medal.

Nasungkit din ng Ilongo Math wizard ang silver medal sa Exploration Round.

Si Gihun ay miyembro ng Asian MathSci League Inc. na dumadaan sa matinding pagsasanay.