WALA umanong pananagutan ang Adamson University sa pagkamatay ng chemical engineering student na si John Matthew Salilig dahil sa hazing rites ng Tau Gamma Phi fraternity

Ayon sa propesor ng AdU na si Dr. Julius Estampador, ang Tau Gamma Phi ay hindi kinikilala ng unibersidad at ang insidente ay naganap sa labas ng unibersidad.

“What Mat Salilig did and those who did the crime are on them,” sabi ni Estampador.

“The school has no liability in my opinion because they were told fraternities are not allowed and hazing is illegal.”

Sinabi ni Estampador na ilang estudyante ang pinatalsik sa eskuwelahan dahil sa kanilang pagkakasangkot sa mga aktibidad na may kinalaman sa fraternity.

Para kay Atty. Jan Nelin Navallasca, ang student affairs director ng AdU, hindi sila nagkulang sa pagpapaalala sa mga estudyante na bawal ang mga fraternity.

“We have not been remiss of our obligation to tell them that fraternities are not allowed. Do not join this unrecognized organization,” ayon kay Navallasca.