INAKSIYONAN na ng Department of Education ang paghihirap ng mga estudyante mula sa bayan ng Kayapa sa Nueva Vizcaya na nag-viral sa social media kamakailan.

Ang naturang mga estudyante ay napipilitang tumawid sa ilog sa pamamagitan ng pagdaan sa hanging bridge makapasok lamang sa kanilang paaralan.

Ayon kay DepEd Region 2 Director Dr. Benjamin Paragas, nakipag-uganayan na siya sa Schools Division Superintendent  ng nasabing lalawigan upang isailalim na lamang ang mga mag-aaral sa alternative delivery mode of learning o distance learning.

Bibigyan na lamang sila ng self-learning modules at activity sheets upang hindi na makipagsapalaran sa pagtawid sa hanging bridge.

Gayunman, titiyakin din ng DepEd na matututo at makasasabay ng kaalaman ang mga mag-aaral.